ខេត្តស្ទឹងត្រែង៖បុរសជាជនសង្ស័យ២នាក់និងគ្រឿងញៀនចំនួន២០ដុំត្រូវបានកម្លាំងនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តបញ្ជូនទៅកាន់តុលាការចាត់ការបន្តកាលពីរសៀលថ្ងៃទី២១ ខែវិច្ឆិកាឆ្នាំ២០២៤ បន្ទាប់ពីកម្លាំងជំនាញ នៃអធិការដ្ឋាននគរបាលស្រុកថាឡាបរិវ៉ាត់ សហការជាមួយកម្លាំងជំនាញការិយាល័យនគរបាលប្រឆាំងគ្រឿងញៀន និងកម្លាំងវរសេនាតូចការពារព្រំដែនគោក៧០១ បានឃាត់ខ្លួនរួមជាមួយវត្ថុតាងកាលពីព្រឹកថ្ងៃទី១៨ខែវិច្ឆិកា ឆ្នាំ២០២៤ កន្លងទៅស្ថិតនៅចំណុចគោលដៅព្រៃសហគមន៍ ស្ថិតនៅក្នុងភូមិសំអាង ឃុំសំអាង ខេត្តស្ទឹងត្រែង។ 
សមត្ថកិច្ចអោយដឹងថាជនសង្ស័យខាងលើ១.ឈ្មោះ វ៉ា ចិន្តា ភេទប្រុស អាយុ ៣០ឆ្នាំជនជាតិខ្មែរ ទីកន្លែងបច្ចុប្បន្នភូមិថាឡាបរិវ៉ាត់ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង។២- ឈ្មោះ នឿន ចាន់រ៉ុង ភេទប្រុស អាយុ ១៧ឆ្នាំ ជនជាតិខ្មែរ ទីកន្លែងបច្ចុប្បន្នភូមិថាឡាបរិវ៉ាត់ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង។
ក្រោយការឃាត់ពីកម្លាំងជំនាញបានដកហូតវត្ថុតាងរួមមានគ្រឿងញៀនប្រភេទមេតំហ្វេតាមីន (ICE) ចំនួន ២០ដុំ ម៉ូតូ ០១គ្រឿងទូរស័ព្ទដៃចំនួន ០២គ្រឿង។
បច្ចុប្បន្នបន្ទាប់ពីបញ្ចប់នីតិវិធីស្រាវជ្រាវនិងសាកសួរកម្លាំងជំនាញក៏បានបញ្ជូនទៅតុលាការដើម្បីបន្តនីតិវិធីអនុវត្តច្បាប់ស្តីពីគ្រឿងញៀន
៕By:SamNeang
