ខេត្តស្ទឹងត្រែងៈកម្លាំងនគរបាលប៉ុស្តិ៍ឃុំព្រះរំកិលនៃអធិការដ្ឋាននគរបាលស្រុកអូរស្វាយសែនជ័យនៅល្ងាចថ្ងៃទី ២២វិច្ឆកា២០២២នេះ បានឃាត់ខ្លួនជនសង្ស័យម្នាក់ពាក់ព័ន្ធនិងករណីបង្ករបួសស្នាមដោយប្អូនបង្កើតបានប្រើកាំបិតបុ័ងតោកាប់ទៅលើបងប្រុសរបស់ខ្លួនចំថ្ពាល់ខាងឆ្វេងមួយកាំបិតបណ្តាលអោយរងរបួសធ្ងន់ត្រូវក្រុមគ្រួសារបញ្ជូនទៅកាន់មន្ទីបង្អែកខេត្តស្ទឹងត្រែង។
សមត្ថកិច្ចបានអោយដឹងថាជនរងគ្រោះឈ្មោះ
ដុង ឡឺ ភេទប្រុស អាយុ៤២ឆ្នាំ ជនជាតិខ្មែរ
មុខរបរកសិកររស់នៅភូមិក្រឡាពាសឃុំព្រះរំកិលស្រុកបុរីអូរស្វាយសែនជ័យខេត្តស្ទឹងត្រែង។
រីឯជនសង្ស័យដែលត្រូវសមត្ថកិច្ចចាប់ខ្លួនបានមានឈ្មោះដុង ភេទប្រុស អាយុ១៨ឆ្នាំ ជនជាតិខ្មែរមុខរបរ កសិករត្រូវជាប្អូនប្រុសបង្កើតរបស់ជនរងគ្រោះ។
ករណីបង្ករបួសស្នាមនេះបានកើតឡើងនៅវេលាម៉ោង១១:២២នាទី ថ្ងៃទី២២ខែវិច្ឆកាឆ្នាំ២០២២នៅចំនុចភូមិក្រឡាពាសឃុំព្រះរំកិលស្រុកបុរីអូរស្វាយសែនជ័យខេត្តស្ទឹងត្រែង ភ្លាមៗនោះក្រោយកើតហេតុជនសង្ស័យបានរត់គេចខ្លួនប៉ុន្តែទោះយ៉ាងណាមិនអាចគេចផុតពីកណ្តាប់សមត្ថកិច្ចបានឡើយ។
បច្ចុប្បន្នកម្លាំងនគរបាលប៉ុស្តិ៍នគរបាលរដ្ឋបាលឃុំព្រះរំកិលបានឃាត់ខ្លួនជនសង្ស័យខាងដើម្បីកសាងសំណុំរឿងបញ្ចូនទៅកាន់ស្នងការដ្ឋាននគរបាលខេត្តស្ទឹងត្រែងចាត់ការបន្តតាមនិតិវិធីច្បាប់។ស.ន.ស.ត
