(ក្រុងប៉ោយប៉ែត)៖ តូបលក់ដូររបស់ អជីករខ្មែរក្នុងផ្សាររ៉ុងក្លឿរ (ផ្សារព្រំដែន.កម្ពុជា.ថៃ) ត្រូវបានអគីភ័យ ឆាបឆេះស្ទើរទាំង ស្រុងបង្ករអោយមាន ការភ្ញាក់ផ្អើលទាំងយប់ ហេតុការនេះបានកើតឡើង កាលពីយប់ថ្ងៃទី២៥ឈាន ចូលថ្ងៃទី២៦ខែកុម្ភៈឆ្នាំ២០២៥ នៅចំណុចបរិវេណ ផ្សាររ៉ុងក្លឿងហ្គោលឌិនហ្គេត ស្ថិតក្នុងស្រុកអារ័ញប្រាថេត ខេត្តស្រះកែវប្រទេសថៃ។
លោក ពេស យាស័ក អភិបាលរងក្រុងប៉ោយបែត បានអោយដឹងថា អគ្គីភ័យពិតជាបាន ឆាបឆេះតូបបងប្អូន អាជីករខ្មែរដែល ប្រកបរបរលក់ដូរ ក្នុងផ្សាររ៉ុងក្លឿ ស្រុកអារ័ញប្រាថេត ពិតប្រាកដមែនកាល ពីយប់ថ្ងៃទី២៥ ឈានចូលថ្ងៃទី២៦ខែ កុម្ភៈវេលាម៉ោង១១និង៣០នាទី យប់និងគ្រប់គ្រងស្ថានការ ព្រមទាំងពន្លត់បានទាន់ ពេលវេលានៅ ម៉ោង០៣និង០០នាទីទាបភ្លឺ នេះបើយោងតាមភាគី ថៃរាយការណ៍ជូនជាបឋម។
លោក ពេស យាស័ក អភិបាលរងក្រុងប៉ោយបែត បានប្រាប់អោយដឹង ថ្ងៃទី២៦ខែកម្ភៈបន្ថែមទៀតថា តូបលក់ដូររបស់ បងប្អូនអាជីករខ្មែរក្នុង ផ្សាររ៉ុងក្លឿងត្រូវភ្លើង ឆាបឆេះនោះមានចំនួន៥៦តូប ហើយតូបដែលឆេះ នោះភាគច្រើន គឺជាតូបលក់ កាបូបជជុះ(កាបូបមួយទឹក)។
លោកអភិបាល រងក្រុងបានបញ្ជាក់ថា ចំពោះបញ្ហារ បណ្តាលអោយមាន អគ្គីភ័យនិងទំហំខូចខាត ខាងលើភាគីថៃ មិនបានបញ្ជាក់ទេ រងចាំការស្រាវជ្រាវនិង ស៊ីបអង្កេតសិន ទើបនិងរាយការណ៍ជូនមក ភាគីកម្ពុជា នៅពេលក្រោយ៕ដោយលោក អេង គឹមអាន
