(យូអិន)៖ បេសកជនចិន បានអំពាវនាវឱ្យមាន កិច្ចខិតខំប្រឹងប្រែង ការទូតកាន់តែខ្លាំង ដើម្បីបញ្ចប់វិបត្តិអ៊ុយក្រែន តាមរយៈការដោះ ស្រាយនយោបាយ នេះបើយោងតាមកា រចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។
វិបត្តិ អ៊ុយក្រែន អូសបន្លាយ ជាបន្តបន្ទាប់ បណ្តាលឱ្យ មានអ្នកស្លាប់ និង របួសច្រើន ពេក ដោយលោក Geng Shuang តំណាងអចិន្ត្រៃយ៍រង របស់ចិនប្រចាំអង្គការ សហប្រជាជាតិ បានឲ្យដឹងថា ដើម្បីបន្តលំហូរ នៃសព្វាវុធទៅកាន់ សមរភូមិនឹងធ្វើឱ្យ ហានិភ័យនៃវិបត្តិ កាន់តែធ្ងន់ធ្ងរឡើង ហើយនឹងមិន ជួយធ្វើឱ្យស្ថានការណ៍ កាន់តែតានតឹង និងបញ្ចប់ការ ប្រយុទ្ធគ្នានោះទេ។
ប្រទេសចិន បានអំពាវនាវជាថ្មី ម្តងទៀតដល់ភាគីពាក់ព័ន្ធ ទាំងអស់ក្នុងលក្ខណៈ ប្រកបដោយទំនួល ខុសត្រូវ បង្កើនកិច្ចខិតខំប្រឹងប្រែ ងការទូតសម្រាប់ បទឈប់បាញ់ និងបញ្ឈប់ការប្រយុទ្ធ ដើម្បីជំរុញការដោះស្រាយវិបត្តិនយោបាយ នៅដំណាក់កាលដំបូង និងនាំមកនូវសន្តិភាព ដែលធ្វើឡើងនៅក្នុងកិច្ចប្រជុំក្រុមប្រឹក្សាសន្តិសុខ ស្តីពីការផ្គត់ផ្គង់អាវុធដល់អ៊ុយក្រែន។
លោកបន្ដថា វិបត្តិ អ៊ុយក្រែន មាន មូលហេតុ ប្រវត្តិសាស្ត្រ និង ជាក់ស្តែង ស្មុគស្មាញ។ សរុបមក វាជាការផ្ទុះឡើងដ៏ធំនៃជម្លោះសន្តិសុខនៅអឺរ៉ុប។ ចិន មិនមែនជាអ្នកបង្កើតវិបត្តិ ហើយក៏មិនមែនជាភាគីនៃជម្លោះនោះទេ។ ប្រទេសចិនមិនបានផ្តល់អាវុធប្រល័យលោក ឬឧបករណ៍ដល់ភាគីណាមួយនៃជម្លោះនោះទេ ហើយក៏មិនបានធ្វើ ឬនឹងធ្វើអ្វីដើម្បីទទួលបានផលចំណេញពីវិបត្តិនោះដែរ។
លោកបន្ថែមថា “ជំហររបស់ចិន ចំពោះបញ្ហាអ៊ុយក្រែន តែងតែមានភាព ស៊ីសង្វាក់គ្នា និងច្បាស់លាស់ យើងប្តេជ្ញាជា អ្នកតស៊ូមតិ ដើម្បីសន្តិភាព និងជាអ្នកជំរុញ កិច្ចចរចាសន្តិភាព។ ប្រទេសចិន គាំទ្រដល់ការកោះប្រជុំជាបន្ទាន់ នៃសន្និសីទអន្តរជាតិ ដែលទទួលស្គាល់ដោយរុស្ស៊ី និងអ៊ុយក្រែន ដោយមានការ ចូលរួមស្មើគ្នាពីគ្រប់ភាគី និងពិភាក្សា ពី គ្រប់ ជម្រើស សន្តិភាព ដោយ យុត្តិធម៌”៕
