អនុរដ្ឋលេខាធិការ ក្រសួងអភិវឌ្ឍន៍ជនបទនិងក្រុមការងារអន្តរក្រសួងចុះត្រួតពិនិត្យវាយតំលៃបច្ចេកទេសរបស់នាយកដ្ឋានផ្លូវជនបទ!
ខេត្តរតនគិរី ៖ នៅថ្ងៃទី២៤ ខែកម្ភុៈ ឆ្នាំ២០២៥ លោកជំទាវ ឯក សុគន្ឋវារី អនុរដ្ឋលេខាធិការ ក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តម ឈឹម សៅគី រដ្ឋលេខាធិ
ការប្រចាំការក្រសួងអភិវឌ្ឍន៍ជនបទ និងក្រុមការងារអន្តរក្រសួងនិងក្រុមការងារត្រួតពិនិត្យវាយតំលៃបច្ចេកទេសរបស់នាយកដ្ឋានផ្លូវជនបទ និងលោក អៀម អឿន ប្រធានមន្ទីរអភិវឌ្ឍន៍ជនបទខេត្តរតនគិរីបាន ចុះត្រួតពិនិត្យនិងវាយតំលៃ លើការងារស្ថាបនានិងជួសជុលផ្លូវចំនួន០១ គម្រោងនៅស្រុកលំផាត់ ។
លោក អៀម អឿន ប្រធានមន្ទីរអភិវឌ្ឍន៍ជនបទខេត្តរតនគិរីបានអោយដឹងថា ផ្លូវនេះស្ថិតក្នុងគម្រោងលេខDRR-NC-2024-No.047 មានការងារជួសជុលផ្លូវក្រាលដីល្បាយគ្រួសចំនួន ០១ខ្សែ ប្រវែង៩,០០០ម ទទឹង០៩ម កម្រាស់០,១២ម សាងសង់ទំនប់បង្ហៀរ០១កន្លែង ប្រវែង៦០ម ទទឹង០៧ម និងផ្លាកឈ្មោះផ្លូវចំនួន០២កន្លែង ស្ថិតនៅភូមិព្រួក និងភូមិបាតាង ឃុំបាតាង ស្រុកលំផាត់ អនុវត្តដោយនាយកដ្ឋានវិស្វកម្ម ក្រសួងការពារជាតិ ប្រើប្រាស់ថវិកាជំពូក ២១ ។ ជាលទ្ឋផលក្រុមការងារអន្តរក្រសួងបានយល់ព្រមទទួលយក១០០%។ លោកថា ផ្លូវលំជនបទខាងលើ បច្ចុប្បន្នបានជួយសម្រួលដល់ប្រជាពលរដ្ឋក្នុងមូលដ្ឋាននេះឱ្យមានភាពងាយស្រួល ក្នុងការធ្វើចរាចរទៅមក ការដឹកជញ្ជូនកសិផល និងដំណាំបន្ទាប់បន្សំរបស់ប្រជាពលរដ្ឋមកកាន់ទីផ្សារ ជួយសម្រួលដល់សិស្សានុសិស្ស ធ្វើដំណើរទៅកាន់សាលារៀន សម្រួលដល់ភ្ញៀវទេសចរណ៍ជាតិអន្តរជាតិមកកំសាន្តរមណីយដ្ឋានទឹកធ្លាក់អូរស៊ិនលែរ៍ធម្មជាតិ និងដឹកអ្នកជំងឺមក កាន់មណ្ឌលសុខភាពបានទាន់ពេលវេលា ។
បន្ទាប់ពី ត្រួតពិនិត្យវាយតំលៃបច្ចេកទេស គម្រោងផ្លូវលំជនបទប្រវែង៩,០០០ម៉ែត្រខាងលើរួចមកលោកជំទាវឯក សុគន្ឋវារី អនុរដ្ឋលេខាធិការ ក្រសួងអភិវឌ្ឍន៍ជនបទ និងក្រុមការងារអន្តរក្រសួងនិងក្រុមការងារត្រួតពិនិត្យវាយតំលៃបច្ចេកបានចូលរួមក្នុងពិធីបើកការដ្ឋានស្ថាបនាសំណង់សិល្បរ៍ការនិងជួសជុលផ្លូវប្រវែង៨ ១០០ម ទទឹង០៩ម បន្តរហូតដល់សាលាបឋមសិក្សានិងវត្តសាយ៉ស់ ជម្រុមបីស្រុក ក្នុងឃុំបាតាង ស្រុកលំផាត់ ខេត្តរតនគិរី អនុវត្តដោយកងវិស្វកម្មក្រសួងការពារជាតិឆ្នាំ២០២៥ ដោយមានការចូលរួមពីអាជ្ញាធរមូលដ្ឋានមានស្រុក ឃុំ ភូមិនិងប្រជាពលរដ្ឋផងដែរ។
ក្នុងឱកាសនេះគណៈប្រតិភូអន្តរក្រសួងក៏បានជួបសំណេះសំណាលជាមួយប្រជាពលរដ្ឋក្នុងក្នុងឃុំសរុប៩០នាក់ និងបានសំណូមពរអាជ្ញាធរមូលដ្ឋានភូមិ-ឃុំ ដែលមាននាទីទទួលបន្ទុកថែទាំបន្តត្រូវណែនាំឱ្យប្រជាពលរដ្ឋចូលរួមក្នុងការថែទាំផ្លូវខាងលើ ឱ្យបានល្អប្រសើរ ប្រកបដោយ គុណភាព ដើម្បីរក្សាគុណភាពផ្លូវអោយបានគង់វង្សយូរអង្វែង។ជាមួយគ្នានេះគណៈប្រតិភូអន្តរក្រសួងក៏បានចែកជូនក្រម៉ាចំនួន៩០ក្រម៉ា ដល់ប្រជាពលរដ្ឋដែលបានចូលរួម ម្នាក់០១ផងដែរ៕BY:SAMNEANG
