(សៀមរាប)៖ ឯកឧត្តម ហង់ ពៅ អគ្គនាយក អាជ្ញាធរជាតិអប្សរា អញ្ជើញជាអធិបតីក្នុង ពិធីព្យុហយាត្រានៃព្រឹត្តិការណ៍ «រំលឹកគុណអង្គរ» ដោយមានការចូលរួមពីសិស្សានុសិស្ស ចំនួន ១ ២០០នាក់ ដែលចាប់ផ្តើមក្បួនចេញពីមុខប្រាសាទអង្គរវត្ត ឆ្ពោះទៅខ្លោងទ្វារទន្លេអុំនៃក្រុងអង្គរធំ និងឆ្ពោះទៅក្រុងសៀមរាប នាព្រឹកថ្ងៃទី១៥ ខែធ្នូ ឆ្នាំ២០២៤។
កម្មវិធីដង្ហែក្បួនព្យុហយាត្រា ដើម្បីអបអរសាទរពិធីបុណ្យ «រំលឹកគុណអង្គរ» ដ៏មានសារសំខាន់ៗ ជាពិសេសចំពោះពាក្យស្លោកគោល «អរគុណអង្គរ» និង «អរគុណសន្តិភាព» ភ្ជាប់ដោយខ្លឹមសារថែរក្សាបរិស្ថាន និងផ្សេងៗ។
ព្យុហយាត្រានេះ ដើម្បីផ្សព្វផ្សាយឱ្យសាធារណជន ក៏ដូចជាប្រជាពលរដ្ឋខ្មែរ ភ្ញៀវទេសចរជាតិ-អន្ដរជាតិ នឹកដល់គុណប្រាសាទអង្គរវត្ត ដែលជាសម្បត្តិបេតិកភណ្ឌ ពិភពលោកមិនអាចកាត់ថ្លៃបាន ដែលបុព្វបុរសខ្មែរគ្រប់ ជំនាន់បានបន្សល់ ទុកឱ្យកូនខ្មែរជំនាន់ក្រោយ។
