(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា ក្នុងរយៈពេលប៉ុន្មានខែមកនេះសម្តេចទទួលបានព័ត៌មាន និងដោះស្រាយបញ្ហាជូន ប្រជាពលរដ្ឋចាច្រើន ហើយថ្ងៃខ្លះសម្តេចនៅបន្តដល់ យប់ម៉ោង១ ម៉ោង២ តាមដានព័ត៌មានលើ បណ្តាញសង្គម ដើម្បីក្តាប់បញ្ហានានា របស់ពលរដ្ឋ ហើយ ដាក់ចេញនូវដំណោះ ស្រាយជូនប្រជាពលរដ្ឋ។
សម្តេចមហាបវរធិបតី ហ៊ុន ម៉ាណែត បានថ្លែងដូចនេះនៅ រសៀលថ្ងៃទី០៣ ខែឧសភា ឆ្នាំ២០២៤នេះ នាឱកាសដែលសម្តេច អញ្ជើញជួបសំណេះ សំណាលជាមួយអ្នកសារព័ត៌មាន ប្រមាណ ៥,០០០នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ ដើម្បីអបអរសាទរទិវា សេរីភាពសារព័ត៌មាន ពិភពលោក។
ជំនួបសំណេះសំណាល នៅរសៀលថ្ងៃនេះដែរ ជាការបន្តនូវគំរូសម្តេចតេជោ ហ៊ុន សែន ពេលសម្តេចនៅ កាន់តំណែងជានាយក រដ្ឋមន្ត្រីបានយកចិត្ត ទុកដាក់ខ្ពស់ចំពោះ វិស័យសារព័ត៌មាន ហើយបានបង្កើតឱ្យ មានជំនួបសំណេះសំណាល ជាមួយអ្នកសារព័ត៌មាន ជារៀងរាល់ឆ្នាំ ពោលគឺបានធ្វើឡើងចំនួន ៥លើកមកហើយ។
សម្តេចមហាបវរធិបតី ហ៊ុន ម៉ាណែត បានថ្លែងដូចនេះថា «ក្នុងរយៈពេល៨ខែនេះ ខ្ញុំបានដោះស្រាយ បញ្ហាច្រើន រួមជាមួយអាជ្ញាធរពាក់ព័ន្ធ ទាំងថ្នាក់ជាតិ និងថ្នាក់ក្រោមជាតិ នៅក្នុងការដោះ ស្រាយបញ្ហាជាច្រើន ជូនប្រជាពលរដ្ឋ បានទាន់ពេលវេលា គឺដោយសារការ ទទួលបានព័ត៌មាន និងផ្តល់ព័ត៌មាន ពីបងប្អូនអ្នក សារព័ត៌មានទាំងអស់ រួមទាំងប្រជាពលរដ្ឋយើងម្នាក់ៗ ដែលមិនមានអាជ្ញាប័ណ្ណ ឫជាអ្នកសារព័ត៌មាន អាជីព តែគាត់ក្នុងនាមបុគ្គលម្នាក់ ជាពលរដ្ឋម្នាក់ ដែលមានលទ្ធភាព ថតបង្ហោះផ្សព្វផ្សាយជាការល្អ»។
សម្តេចមហាបវរធិបតី ហ៊ុន ម៉ាណែត បានបន្ថែមថា ការងារជួយគ្នានៅ ក្នុងសង្គមរបស់យើង ការងារជួយអំពាវនាវ ការងារជួយគ្នា ក្នុងនាមមនុស្សធម៍ គឺមានការផុសផុលល្អ ហើយនេះហើយគឺ បានបង្ហាញទឹកចិត្ត ហើយឥលូវមូលហេតុ នឹងសិទ្ធសេរីភាពនៃសារព័ត៌មាន និងផលប្រយោជន៍ ដែលរាជរដ្ឋាភិបាលបាន ធានានូវសិទ្ធសេរីភាព ជាមួយនឹងលទ្ធភាព របស់ប្រជាពលរដ្ឋ បានប្រែក្លាយទឹកចិត្ត ការចង់ជួយគ្នា ទៅជាកម្លាំងសាមគ្គីដែល អាចជួយគ្នាបាន ទាន់ពេលវលា នេះគឺជាអ្វីដែលសំខាន់។
សម្តេចមហាបវរធិបតី ហ៊ុន ម៉ាណែត បានថ្លែងដូចនេះដែរថា «រាជរដ្ឋាភិបាល ក៏បានទទួលព័ត៌មាន យប់ឡើងខ្ញុំក្រៅពីស៊ីញ៉េឯងសារ ពេលខ្លះនៅតាមដាន ព័ត៌មានមើលនៅលើ Facebook មើលលើបញ្ហាផ្សេងៗ ពេលខ្លះមើលខ្លួនឯង ពេលខ្លះផ្សេងបោះមកឱ្យខ្ញុំ មានបញ្ហាកន្លែងណា យើងរុញទៅភ្លាម, អភិបាលខេត្តខ្លះ ត្រូវទទួលព័ត៌មាន ខ្ញុំម៉ោង១យប់ ម៉ោង៧ភ្លឺរាយការរណ៍ មកវិញថាដោះ ហើយពេលព្រឹក ឫមួយក៏យ៉ាងណា ដើម្បីឱ្យបានលឿន ជូនប្រជាពលរដ្ឋ តួនាទីនេះយើងត្រូវ លើកទឹកចិត្តបន្ថែម ក្នុងការផ្តល់ព័ត៌មាន ដើម្បីយើងបានដោះ ស្រាយបញ្ហា»។
សម្តេចមហាបវរធិបតី ហ៊ុន ម៉ាណែត បានបន្ថែមថា ពីមុននៅពេលដែល សម្តេចមើលឃើញពីបញ្ហា សម្តេចអាចមាន មតិយោបល់ ប៉ុន្តែអ្នកដែលដោះ គឺសម្តេចតេជោ ហ៊ុន សែន ចឹងហើយសម្តេច តេជោភាគច្រើន ចូលសម្រាកម៉ោង១ ឫម៉ោង២ ឥលូវពេលមើលឃើញ បញ្ហាគឺគ្មានជម្រើស ទេគឺត្រូវតែដោះដោយ ខ្លួនឯង ប៉ុន្តែអ្វីដែល សំខាន់ដែរសម្តេច ទទួលបានពិតប្រាកដ មិនធានាថាព៏ត៌មានទាំងអស់ សុក្រិតនោះទេ៕
