(ភ្នំពេញ)៖ ក្នុងឋានៈជាប្រធាន ក្រុមហ៊ុនពហុ ផលិតផលដ៏ធំ ហើយសំខាន់ជាង នេះទៅទៀត ក្នុងនាមជាឪពុក ខ្ញុំមានក្តីរំភើបរីករាយ ក្រៃលែងក្នុងការប្រកាស ពីដំណឹងដ៏វិសេសវិសាលថា កូនប្រុសច្បងរបស់ខ្ញុំ គិត ស៊ូឡា ត្រូវបានចាត់តាំង ជានាយកគ្រប់ គ្រងប្រតិបត្តិការ (COO) នៃក្រុមហ៊ុន រ៉ូយ៉ាល់គ្រុប អន្តរជាតិ (Royal Group International) ដ៏មានកេរ្តិ៍ឈ្មោះរបស់យើង។ នេះជាការលើកឡើង របស់អ្នកឧកញ៉ា គិត ម៉េង ដែលត្រូវជាឪពុក ឧកញ៉ា គិត ស៊ូឡា និងជាប្រធានសភាពាណិជ្ជកម្ពុជា។
អ្នកឧកញ៉ា គិត ម៉េង បានបង្ហាញនូវក្តីស្រឡាញ់ថា ៖ ភាពលូតលាស់ពេញវ័យ និងការបំពេញការងារ កាន់តែល្អប្រសើររបស់ ស៊ូទ្បា ត្រូវបានមើលឃើញថា ជាដំណើរមួយដ៏ល្អ ប្រពៃដែលពោរពេញ ទៅដោយមោទនភាព និងក្តីសង្ឃឹម។ ថ្ងៃនេះ នៅពេលដែល ស៊ូឡា ឈានជើងចូលទៅក្នុងតួនាទី ដ៏សំខាន់នេះ ខ្ញុំកាន់តែមាន ទំនុកចិត្តចំពោះសមត្ថភាព ការប្រឹងប្រែងលះបង់ កម្លាំងកាយចិត្ត និងចក្ខុវិស័យរបស់ ស៊ូឡា សម្រាប់ការ បណ្តាក់ទុនទៅថ្ងៃអនាគត។
ការតែងតាំងនេះមិនគ្រាន់តែ ចេញមកពីភាពជោគជ័យ នៃការងារប៉ុណ្ណោះទេ ប៉ុន្តែក៏ឆ្លុះបញ្ចាំងពី ទំនុកចិត្ត និងការជឿជាក់ លើសក្តានុពលរបស់ យុវជនជំនាន់ក្រោយ ក្នុងការដឹកនាំប្រកប ដោយសុចរិតភាព និងភាពច្នៃប្រតិដ្ឋ។ ស៊ូឡា គឺជាគំរូដ៏ល្អនៃគុណ តម្លៃទាំងនេះ ហើយខ្ញុំជឿជាក់ថាគាត់ នឹងដឹកនាំក្រុមហ៊ុន របស់យើងឲ្យកាន់តែរីក ចម្រើនថែមទៀត។
អ្នកឧកញ៉ា គិត ម៉េង សូមអបអរសាទរកូនប្រុស! ដំណើររបស់កូនទៅ កាន់តំណែងនេះ នឹងមានភាពអស្ចារ្យ ហើយប៉ាមានភាព រីករាយក្នុងការរំពឹង ទុកចង់ឃើញឆាប់ៗ នេះនូវការរួមចំណែក ដ៏ធំធេងដែលកូននឹងធ្វើ ក្នុងឋានៈជានាយក គ្រប់គ្រងប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ របស់យើង៕
