(ខេត្តបន្ទាយមានជ័យ)៖ ជនសង្ស័យ ប្រុសស្រី២នាក់ ដឹកជញ្ជូនថ្នាំញៀន ជាទ្រង់ទ្រាយធំយក ទៅលក់ត្រូវបានកំលាំង នគរបាលប្រឆាំង បទល្មើសគ្រឿងញៀន បង្ក្រាបបាននៅវេលាម៉ោង ១២យប់ថ្ងៃទី២០ ខែមេសា ឆ្នាំ២០២៤ នៅចំណុចផ្ទះជនសង្ស័យ ក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
នគរបាលប្រឆាំង បទល្មើសគ្រឿងញៀន បានប្រាប់អ្នកយកព័ត៌មានឲ្យដឹងថា ការបង្ក្រាបគ្រឿងញៀន បានជាទ្រង់ទ្រាយធំនេះ អនុវត្តន៍តាមបទបញ្ជា របស់លោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យ ក្រោយពីទទួលបាន ព័ត៌មានពីប្រជាពលរដ្ឋផង កម្លាំងការិយាល័យ ប្រឆាំងគ្រឿងញៀន សហការជាមួយកម្លាំង អធិការដ្ឋាននគរបាលក្រុ ងប៉ោយប៉ែត បានចុះទៅដល់ ផ្ទះជនសង្ស័យ និងបានធ្វើការឃាត់ខ្លួន ជនសង្ស័យ ប្រុសស្រី២នាក់ និងបានដកហូត វត្ថុតាងរួមមាន ម្សៅម៉ត់សថ្លា(MDMA) ចំនួន០១ថង់ស្មើ ទម្ងន់២.១១ក្រាមសាច់ថ្នាំសុទ្ធ ថ្នាំកញ្ចប់រូបទំពាំងបាយជូរ មានអក្សGrapa fraittea (MDMA) ចំនួន៥០០កព្ចាប់ ស្មើទម្ងន់៤.៤៧០ក្រាម សាច់ថ្នាំសុទ្ធ ថ្នាំកញ្ចប់ពណ៌ក្រហម រូបសេះ(MDMA) ចំនួន៥០០កព្ចាប់ ស្មើទម្ងន់២.៣០៥ក្រាម សាច់ថ្នាំសុទ្ធ សរុបចំនួន ៦៧៧៧.១១ក្រាមសាច់ថ្នាំសុទ្ធ ទូរសព្ទដៃចំនួន ២ គ្រឿង រថយន្តចំនួន ១គ្រឿងម៉ាក ម៉ាកព្រូសពណ៍ស។
កម្លាំងការិយាល័យ ប្រឆាំងគ្រឿងញៀន បានឲ្យដឹងបន្តទៀតថា ជនសង្ស័យទាំង ២នាក់ឈ្មោះ ១ហេង សុ គុណ ហៅប៉ាវ ភេទប្រុសអាយុ ៤៥ឆ្នាំ ជាអ្នកជួញដូរ គ្រឿងញៀនរស់ នៅភូមិ មិត្តភាពសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ២ឈ្មោះ ចឹម ស្រីដា ហៅជូ ភេទស្រី អាយុ២៤ឆ្នាំ រស់នៅភូមិ អូឬស្សីលើ សង្កាត់អូឬស្សី ក្រុងប៉ោយប៉ែត ខេត្តបន្ទាយមានជ័យ ។
ក្រោយពីបង្ក្រាបហើយ ជនសង្ស័យទាំង២នាក់ បានបញ្ជូនមកស្នងការ នគរបាលខេត្ត បន្ទាយមានជ័យ សួរចំលើយ និងធ្វើរបាយការ ណ៍តាមនិតិវិធី។
លុះនៅព្រឹកថ្ងៃទី២២ ខែមេសាឆ្នាំ២០២៤នេះ កម្លាំងជំនាញ នៃស្នងការដ្ឋាន នគរបាល ខេត្តបន្ទាយមានជ័យ បានកសាងសំណុំរឿង បញ្ជូនខ្លួន ជនសង្ស័យទាំង២នាក់ ដើម្បីបន្តនីតិវិធីច្បាប់ ទៅកាន់សាលាដំបូង ខេត្តបន្ទាយមានជ័យ ៕
