ស្ទឹងត្រែងៈបុរសម្នាក់បានស្លាប់ភ្លាមៗនៅនិងកន្លែងកើតហេតុខណៈដែលបានជួបគ្រោះថ្នាក់ចរាចរ រវាងរថយន្តទំនើបម៉ាកឡង់គ្រីស័រមួយគ្រឿងបុកជាមួយម៉ូតូកញ្ចាស់មួយគ្រឿង កាលពីវេលាម៉ោង១៤និង០៥នាទីថ្ងៃទី២៧ ខែកុម្ភះ ឆ្នាំ២០២៣នៅលើផ្លូវជាតិលេខ៩ ស្ថិតនៅក្នុងភូមិស្រឡៅ ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង។
សមត្ថកិច្ចបានឲ្យដឹងថា ករណីគ្រោះចរាចរណ៍រវាងរថយន្ដបុកនិងម៉ូតូខាងលើនោះ បានបណ្ដាលឲ្យមនុស្ស០១នាក់ស្លាប់បាត់បង់ជីវិតនៅនឹងកន្លែងកើតហេតុភ្លាមៗ ហើយអ្នកបើកបរម៉ូតូនោះមានឈ្មោះ វ៉ាន់ ប៊ុនធឿន ភេទប្រុស អាយុ ៤២ ឆ្នាំ ជនជាតិខ្មែរ មុខរបរកសិករ មានស្រុកកំណើតរស់នៅ ភូមិអូរលើ ឃុំស្វាយទាប ស្រុកចំការលើ ខេត្តកំពង់ចាមសព្វថ្ងៃមករស់ស្នាក់នៅបណ្ដោះអាសន្នក្នុងភូមិ ឃុំ កើតហេតុខាងលើ ។
សមត្ថកិច្ចបានបញ្ជាក់ថា អ្នកបើកបររថយន្តមានឈ្មោះ ហុង ភេទប្រុស អាយុ៣៨ឆ្នាំ ជនជាតិខ្មែរ មុខរបរលក់ដូរ រស់នៅភូមិ១ ឃុំឡាបានសៀក ក្រុងបានលុង ខេត្តរតនះគីរី បានបើកបររថយន្ដទំនើបម៉ាកឡង់គ្រីសរ័ ពណ៏ស សេរីឆ្នាំ២០១៤ ពាក់ផ្លាកលេខភ្នំពេញ2BI ៤៨៧៨ បើកក្នុងទិសដៅពីលិចទៅកើត បានបុកជាមួយម៉ូតូកញ្ចាស់មួយគ្រឿងម៉ាកវេវ ពណ៏ខៀវ គ្មានផ្លាកលេខ បើកក្នុងទិសដៅពីកើតទៅលិច(បញ្ច្រាសទិសដៅគ្នា) មូលហេតុដែលបណ្ដាលឱ្យកើតមានគ្រោះថ្នាក់ចរាចរណ៍ខាងលើនោះ គឺមកពីកត្តាអ្នកបើកបរម៉ូតូបត់ឆ្វេងខ្វះការប្រុងប្រយ័ត្ន។
បច្ចុប្បន្នរថយន្តនិងម៉ូតូ ត្រូវបានសមត្ថកិច្ចនគរបាលយកមករក្សាទុកបណ្ដោះអាសន្នដើម្បីធ្វើការដោះស្រាយបន្តទៅតាមនីតិវិធីច្បាប់។KMK TV Online
