(ខេត្តបន្ទាយមានជ័យ)៖ ក្មេងប្រុសម្នាក់ ទៅបូមទឹកដាក់ស្រែ ជាន់ពស់ស្រកាចាស់ ចឹកតែសង្រ្គោះបានទាន់ពេល ហេតុការនេះកើតឡើង នៅវេលាម៉ោង៨និង៣០នាទី យប់ថ្ងៃទី១៧ខែកុម្ភៈ ឆ្នាំ២០២៤ខណៈ ពេលដើរទៅបូមទឹក ដាក់ស្រែប្រាំងនៅ ចំណុចវាល គោកឪឡោក ស្ថឹតក្នុងភូមិគោកកី ឃុំតាផូ ស្រុកស្វាយចេក។
នគរបាលបានឱ្យដឹងថា ក្មេងប្រុសរងគ្រោះឈ្មោះ រឿន សុអេង អាយុ15ឆ្នាំ នៅភូមិគោកកី ឃុំតាផូ ស្រុកស្វាយចេក ខេត្តបន្ទាយមានជ័យ ។
នគរបាលបន្តថា មុនពេលកើតហេតុក្មេង ប្រុសរងគ្រោះបានដើរ ទៅបូមទឹកដាក់ស្រែ នៅចំណុចវាលគោកឪឡោក ក្នុងភូមិគោកកី ឃុំតាផូ ស្រុកស្វាយចេក ស្រាប់តែជាន់ប៉ះ ពស់ស្រកាចាស់ចឹក ត្រូវកជើងស្តាំរង របួសធ្ងន់ធ្ងរ តែត្រូវបានក្រុម គ្រួសារជួយសង្រ្គោះ ដឹកទៅកាន់មន្ទីរពេទ្យបង្អែក ស្រុកស្វាយចេកទាន់ពេល ។ បច្ចូប្បន្នជន រងគ្រោះរួចផុត ពីគ្រោះថ្នាក់ហើយ ៕
