ឯកឧត្តម ស្វាយ សំអ៊ាង នាំយកអំណោយមនុស្សធម៌របស់សាខាកាកបាទក្រហមកម្ពុជា និង អំណោយ មន្ទីរសង្គមកិច្ចជូនប្រជាពលរដ្ឋ០១គ្រួសារ រងគ្រោះដោយភ្លើងឆេះផ្ទះ នៅស្រុកសេសាន

ស្ទឹងត្រែង៖នៅរសៀលថ្ងៃទី២៥ ខែ មីនា ឆ្នាំ២០២៣ នេះ ឯកឧត្តម ស្វាយ សំអ៊ាង អភិបាលខេត្ត និង ជាប្រធានគណៈកម្មាធិការសាខាកាកបាទក្រហមខេត្តស្ទឹងត្រែង រួមទាំងក្រុមការងារចុះជួយមូលដ្ឋាន ឃុំ សាមឃួយ ជាច្រើនរូប បានអញ្ជើញចុះសួរសុខទុក្ខ និងនាំយកអំណោយរបស់សាខាកាកបាទក្រហមកម្ពុជា ខេត្តស្ទឹងត្រែង និង អំណោយរបស់មន្ទីរសង្គមកិច្ចមន្ទីរសង្គមកិច្ច មកចែកជូនដល់គ្រួសាររងគ្រោះដោយភ្លើងឆេះផ្ទះ ចំនួន ០១គ្រួសារ ស្ថិតនៅក្នុងភូមិ ស្រែតាប៉ាន ឃុំសាមឃួយ ស្រុកសេសាន ។
នៅក្នុងឱកាសនោះដែរ ឯកឧត្តម ស្វាយ សំអ៊ាង អភិបាលខេត្ត និង ជាប្រធានគណៈកម្មាធិការសាខាកាកបាទក្រហមខេត្តស្ទឹងត្រែង បាននាំការផ្តាំផ្ញើសួរសុខទុក្ខរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដោយក្តីនឹករលឹក និងអាណិតអាសូរជាពន់ពេក ដែលជានិច្ចជាការសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តែងតែយកចិត្តទុកដាក់ចំពោះ ប្រជាពលរដ្ឋដែលរងគ្រោះ និងងាយរងគ្រោះគ្រប់ទីកន្លែងគ្រប់ពេលវេលា និងបាន ណែនាំជាប្រចាំដល់មន្រ្តីនៅថ្នាក់មូលដ្ឋានទាំងអស់ ត្រូវពិនិត្យមើលពីជីវភាពរស់នៅរបស់ប្រជាពលរដ្ឋព្រមទាំង ចុះសុខទុក្ខដល់ជនងាយរងគ្រោះ និងជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់ពូជសាសន៍ សាសនា ឬនិន្នាការនយោបាយអ្វីឡើយ។
ឆ្លៀតក្នុងឱកាសនោះដែរ ឯកឧត្តម ស្វាយ សំអ៊ាង ក៏បានណែនាំដល់អាជ្ញាធរ គ្រប់មូលដ្ឋាន ក្នុងឱកាសបុណ្យចូលឆ្នាំប្រពៃណីជាតិខ្មែរ ខិតជិតមកដល់ សូមអាជ្ញាធរតាមបណ្តោយភូមិ ឃុំ សង្កាត់ ត្រូវណែនាំដល់ប្រជាពលរដ្ឋប្រុងប្រយ័ត្នឲ្យបានខ្ពស់ ចំពោះភ្លើងទៀនធូប ដែលសែនត្រៀមទទួលទេវតាឆ្នាំថ្មី ដែលនឹងអាច បង្ករបាននូវគ្រោះអគ្គីភ័យ ជាយថាហេតុណាមួយដែលអាចបាត់បង់គេហដ្ឋានជាដើម។
សូមបញ្ជាក់ថា បន្ទាប់ពីផ្តល់អំណោយមនុស្សធម៌ នោះរួចមក ឯកឧត្តមក៏បានចំនាយថវិការផ្ទាល់ខ្លួនចំនួន១.៥០០.០០០រៀលថែមទៀតផងដែរជូនគ្រួសាររងគ្រោះ។SAMNEANG