(ភ្នំពេញ)៖ យោងតាមបណ្តាញ សង្គមការងារផ្លូវការ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានឱ្យដឹងនាព្រឹកថ្ងៃទី២៨ ខែមិថុនា ឆ្នាំ២០២៥នេះថា មានពួកក្រុមអគតិ និងជ្រុលនិយម ឆ្លៀតឱកាសបង្កើតការភាន់ច្រលំ ឬបង្កប់ចេតនាទុច្ចរិតផ្សេងៗ បានចិញ្ចឹមចិត្តបង្កើត ការផ្សព្វផ្សាយព័ត៌មានក្លែងក្លាយ ដោយបន្លំជាផេកផ្លូវការ របស់សម្តេចបវធិបតីនាយករដ្ឋមន្ត្រី តាមរយៈ៖
១.ការផុសដោយធ្វើជារូបភាព ហើយផុសក្នុងក្រុមផ្សេងៗ របស់បណ្តាញសង្គមហ្វេសប៊ុក
២.កាត់តរូបគណនីរបស់សម្តេចបវធិបតី ដោយសរសេរសារក្លែងក្លាយ ភ្ជាប់នឹងរូបភាព តែចំនុចដែលខុស គឺគ្មានបញ្ចេញម៉ោង បើផុសចេញពីផេកពិត គឺនឹងមានការបង្ហាញម៉ោង ឬថ្ងៃផុស (ដូចជូនភ្ជាប់ក្នុងរូបភាព)
និង៣. ការផុសចេញពីផេកផ្លូវការ គឺតែងមានតំណភ្ជាប់ទាំងអស់ (Link) មានន័យថាគ្រប់ផុស គឺតែងមាន Link មួយជានិច្ច។ ប្រភពដដែល បានបញ្ជាក់ថា ផេកផ្លូវការរបស់សម្តេចបវធិបតី ដែលមានអ្នកតាមដាន ១,៨លាននាក់ ដែលមានមានតំណភ្ជាប់ដូចខាងក្រោម៖
តំណភ្ជាប់: ផេកផ្លូវការរបស់សម្តេចបវរធិបតី គឺមានអ្នកតាមដាន ១,៨លាននាក់។
សូមប្រជាពលរដ្ឋ បង្កើនការប្រុងប្រយ័ត្ន និងតាមដានផេកផ្លូវការ របស់សម្តេចបវរធិបតី ដែលមានតែមួយ ដូចបានបញ្ជាក់ជូននិង តាមរយ:តំណភ្ជាប់ខាងលើ ហើយមិនមានការផុស ក្នុងក្រុមផ្សេងនៃហ្វេសប៊ុកនោះទេ៕
