ប្រទះឃើញសពបុរសម្នាក់ស្លាប់ដោយដៃជាប់ខ្នោះ នៅស្រុកបុរីអូរស្វាយសែនជ័យ!

ខេត្តស្ទឹងត្រែងៈសាកសពបុរសម្នាក់ត្រូវគេប្រទះឃើញវេលាម៉ោង១៥និង០០នាទីរសៀលថ្ងៃទី១៨ខែកញ្ញាឆ្នាំ២០២២នៅក្បែរចំនុចបង្គោលសេវ៉ា០៩៧ស្ថិតក្នុងភូមិរិទ្ធីសែនជយ័២ឃុំអូរស្វាយស្រុកបុរីអូរស្វាយសែនជ័យ ។
តាមប្រភពព័ត៌មានបឋមពីសមត្ថកិច្ចអោយដឹងថាជនរងគ្រោះស្លាប់ដោយអំពើឃាតកម្ម ដោយមានស្លាកស្នាមផុងលលាដ៍ក្បាលផ្នែកខាងក្រោយនិងបាក់កង.ក ។ប្រភពដដែលបន្តថាជនរងគ្រោះឈ្មោះថេន សុមិត្ត ភេទប្រុសអាយុ១៩ឆ្នាំរស់នៅភូមិកោះកី ឃុំកោះស្នែង ស្រុកបុរីអូរស្វាយសែនជ័យខេត្តស្ទឹងត្រែង។
ប្រភពពីសាច់ញាត្តិជនរងបានប្រាប់សមត្ថកិច្ចថាជនរងគ្រោះជិះម៉ូតូម៉ាកវ៉េវអាល់ហ្វា កញ្ចាស់ពណ៍ត្រួយចេកចេញពីផ្ទះតាំងពីថ្ងៃទី១៦កញ្ញាមកម្លេះ ពុំបានត្រឡប់ទៅផ្ទះវិញឡើយទើបនៅរសៀលថ្ងៃគេប្រទះឃើញទទួលដំណឹងថាស្លាប់។ចំណែកម៉ូតូកញ្ចាស់របស់ជនរងគ្រោះក៍ត្រូវបាត់ផងដែរ។
តាមការវិភាគរបស់សមត្ថកិច្ចលើហេតុការណ៍ក្រៅផ្លូវការថាករណីខាងលើជាអំពើឃាតកម្មច្រើនជាងអំពើប្លន់សម្លាប់ហើយជនរងគ្រោះអាចនិងស្គាល់គ្នាជាមួយជនដៃដល់ និងពេលធ្វើសកម្ម
ភាពជនដៃដល់អាចមានគ្នាលើសពី២នាក់ឡើងទៅព្រោះ បើមួយទល់និងមួយជនដៃដល់ពុំអាចមានឱកាសដាក់ខ្នោះដៃជនរងគ្រោះបាននិងវាយពីក្រោយរហូតដល់បាក់កង.ក និងផុងលលាដ៍ក្បាលនោះឡើយ។
ក្រោយការប្រទះឃើញករណីខាងលើនិងមានការសម្របសម្រួលពីព្រះរាជអាជ្ញាអមសាលាដំបូងខេត្តកម្លាំងនគរបាលបានចុះទៅពិនិត្យសាកសពជាមួយគ្រូពេទ្យ និងជាលទ្ធផលបានសន្និដ្ឋានថាករណីខាងលើនេះជាករណីឃាតកម្ម។
រីឯសពត្រូវសមត្ថកិច្ចប្រគល់អោយសាច់ញ្ញាតិយកទៅធ្វើបុណ្យតាមប្រពៃណី៕