(ខេត្តបាត់ដំបង)៖ ស្ត្រីវ័យចំណាស់ម្នាក់ បានដួលស្លាប់ទាំងជំហរភ្លាមៗ ខណៈដែលកំពុងដើរលើដងផ្លូវ ក៏ត្រូវជនមិនស្គាល់មុខ ជិះកង់មកពីក្រោយ ដកដាវកាប់ផ្ដាច់ កញ្ចឹងកតែម្ដង រួចហើយបានជិះកង់ គេចខ្លួនបាត់ស្រមោល។
ហេតុការណ៍ដ៏រន្ធត់ នេះបានកើតឡើង នៅរសៀលថ្ងៃទី ៦ខែកក្កដា ឆ្នាំ២០២៤ លើកំណត់ផ្លូវលំ មួយកន្លែង ស្ថិតក្នុងភូភូមិ ច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង។
បើតាមការអះអាង ពីក្រុមគ្រួសារសាច់ញាតិ បានបញ្ជាក់ឲ្យសារព័ត៌មានដឹងថាថា ជនរងគ្រោះមាន ឈ្មោះហោ ប៉ុក ភេទស្រី អាយុ ៧៧ ឆ្នាំ រស់នៅក្បែរទីតាំង កើតហេតុខាងលើ ដោយនៅមុនពេល កើតហេតុស្ត្រីរងគ្រោះ បានធ្វើដំណើរ ដោយថ្មើរជើងចេញ ពីផ្ទះទៅទិញសាប៊ូ លុះនៅពេលត្រឡប់ មកវិញក៏ត្រូវជនមិនស្គាល់ មុខដែលជិះកង់តាម ដងផ្លូវបានដកដាវកាប់ ទៅលើកញ្ចឹងក បណ្ដាលឲ្យបំពង់ក ស្ទើរដាច់ទាំងស្រុង រួចហើយយុវជន ដែលជាជនបង្ក ហេតុបានជិះកង់ គេចខ្លួនបាត់ស្រមោល។
បើតាមការចុះពិនិត្យ កាមេរ៉ាសុវត្ថិភាព នៅតាមដងផ្លូវ សមត្ថកិច្ចបានសង្កេតឃើញថា យុវជនជាជនសង្ស័យ ពាក់អាវពណ៌ក្រហម ស្លៀកខោខោវប៊យ ប្រើអាវសចងក្បាល បច្ចុប្បន្នកម្លាំងកំពុង ស្វះស្វែងរកគ្រប់ច្រក ល្ហក ដើម្បីឃាត់ ខ្លួនជនបង្កយកមក ផ្ដន្ទាទោសតាមផ្លូវច្បាប់៕
